Dito ba, O dito ba?

Maraming lugar na rin ang aking linipat-lipatan at naging tirahan. Mahigit labing limang taon na ang nakalipas nang aking lisanin ang bahay na aking pinaglakihan sa Sampaloc, Manila upang dumayo sa Amerika. Sa loob ng panahong ito, ay 9 na beses na akong nagpapalit-palit ng address. Limang states na ng Amerika ang aking inangkin bilang tirahan (New Jersey, New York, California, Florida, at Iowa).  At parang awit ni Kuh Ledesma, ay siya ring aking katanungan kung dito nga ba ang tanging sulok na dapat kong kalagyan.

Dito na nga ba sa Iowa ang aking tahanan? Dito na nga ba ako tatanda at tutubuan ng ugat? Dito na nga ba ititirik ang aking pangalan at ala-ala? Pare, pakinggan mo na lang si Kuh Ledesma.