Posted by Malamlam ang bintana na aking tanaw,
Gabi ay pusikit at walang linaw,
Hinahanap-hanap iyong anino’t galaw,
Naghihintay ng iyong mga yabag at sigaw.
Nasaan ka na aking kaibigan,
Bakit hindi ka na nasisilayan,
Ako nga ba’y iyo nang nalimutan,
Sa ‘king lugar ikaw naman sana’y dumaan.
Nasasabik na sa iyong pagdalaw,
Pagnanasa ko’y sana’y mapukaw,
Ng bitbit mong buslo na may telang saplot,
Inaasam-asam ang tinda mong……balut!
(*kailan kaya may dadaang maglalaku ng balut-penoy dito sa Iowa?)
Pinoy Transplant in Iowa 
dama ko na ang drama sa mga unang linya,
ngunit natawa nang sa huli, balut ay mabasa! hahaha!
makata ka pala, doc!
ang husay!
mas gusto ko penoy na may sabaw;
sa balut masarap lang amniotic fluid at yolk, ayoko sisiw.
hindi ko rin talagang gusto ang balut. hanggang penoy lang ako. nami-miss ko lang ang hiyaw ng magbabalut doon sa amin.
ps: sakura na pala sa blog (lugar) nyo! wow, spring!
i miss cherry blossoms i saw in tokyo 2 years back.
Kakaiba naman itong gabing ito. Napapadpad ako sa mga blog na tumatanaw ng loob sa sariling wika. Maraming salamat sa pagkatha ng ganito kagandang tula. Ang ganda ng pagkakahabi ng mga salita.
Salamat sa iyong pagdalaw. Ang tulang ito ay sanhi lamang ng panandaliang kabaliwan na dulot ng pagnanais na makita, marinig, at matikman muli ang mga bagay na kinalakihan sa iniwan kong lupang tinubuan.
Buslong pala ang tagalog sa basket salamat sa bagong kaalamang aking nakamit patungkol sa ating sariling wika. Gusto mo din palang kumatha ng mainam na tula. Ipagpatuloy mo ginoong mangagamot at nakaka aliw basahin 🙂
Basket is “buslo” in Tagalog. As in “Leron leron sinta, buko ng papaya, dala-dala’y BUSLO, sisidlan ng bunga.”
I guess I was given a different version because I knew that song this way
“Leron Leron sinta umakyat sa papaya
Dala dalay buslo sisidlan ng hinog
Pagdating sa duloy lala-lalambayog
Kumapit ka neneng baka ka mahulog
It did not register to me that buslo means basket 🙂 It takes some sharp mind of other to enlighten me. Thanks again.
whehe, magbabalot pala. ^^ penoy lang din ang sa ‘kin, dok. i find balut too rich for my panlasa. ikaw na ang nakaka-miss ng magbabalot, ahaha. cheers! 🙂
…..Penoy Transplant anyone?
whehe, happy weekend dyan sa inyo! 🙂