Bugtong Kurikong

Matagal-tagal na ring panahon nang huli akong makarinig ng mga bugtong. Naalala mo pa ba ang mga ito?

1. Baboy ko sa pulo, balahibo’y pako. (naka-spikey mohawk si Miss Piggy?)

2. Ako’y may matapat na kaibigan, kasama ko kahit saan (utang?)

3. Sa araw ay bumbong, sa gabi ay dahon. (binilot na marijuana?)

4. Malaking supot ni Mang Jacob, kung sisidlan ay pataob. (supot ba kamo si Mang Jacob?)

5. Hindi hari, hindi pari, suot ay sari-sari. (Drag Queen?)

6. Isang butil ng palay, sakop buong bahay.  (mabahong utot?)

7. Nagtago si Pedro nakalitaw ang ulo. (butas na brief? huh?)

8. Bumili ako ng alipin, mataas pa sa akin. (unanong may alipin?)

9. Isang magandang dalaga, hindi mabilang ang mata. (dalagang maraming pigsa?)

10. Nakatalikod na ang prinsesa, mukha niya’y nakaharap pa. (doblekarang prinsesa?)

11. Dumaan ang hari, nagkagatan ang mga pari. (Vampire na pari? “Vam-pari!”)

12.  Hayan na, hayan na hindi mo pa rin makita. (duling?)

(For the right answers, see comment section)

Bugtong Tipaklong

Bahagi ng kulturang Pilipino ay ang mga bugtong. Naaalala mo pa ba ang mga bugtong na ito?

1. Kung kailan pinatay, kaysa humaba ang buhay.  (bampira?)

2. Heto na si kaka, bubuka-bukaka.  (operadang bakla?)

3. Hinila ko ang baging, sumigaw ang matsing.  (si Tarzan?)

4. Nagsaing si Hudas, kinuha ang hugas, tinapon ang bigas.  (bobo si Hudas, hindi marunong magsaing?)

5. Sa isang kalabit, isang buhay ang kapalit.  (kalabit ng querida?)

6. Buto’t balat, lumilipad.  (naging anorexic si Superman?)

7. Maliit pa si kumpare, nakakaakyat na sa torre.  (bata pa si Spiderman?)

8. Matanda na ang nuno, hindi pa naliligo.  (mabahong nuno sa punso?)

9. Mataas kung nakaupo, mababa kung nakatayo.  (unano na nasa highchair?)

10. May isang princesa, nakaupo sa tasa.  (princesang nakaupo sa arinola?)

Eh ikaw, alam mo ba ang mga tamang sagot?

(see comments for the real answers)