Hinintay ko nang matagal,

Gabi ng ating pagkikita,

Ngunit ako’y naimbiyerna,

Sa pagganap mong ipinakita.

Ang yakap mo ay kay higpit,

Braso ko ay iyong iniipit,

Bitiwan mo na ang aking kamay,

Pagka’t hindi naman tayo bagay.

Ipagpatawad mo aking kapusukan,

Sa husay mong sumayaw di abutan,

Kasi El Bimbo lang aking alam,

Naiwanan tuloy sa takbuhan.

Ano ba! Ikaw ba ay lalaban,

O tayo’y magsasayawan na lang?

Kung akin lamang alam,

Sana tayo’y nagkantahan na lang.

(*For all the frustrated boxing fans who expected more, after watching Mayweather and Pacquiao fight.)